Ég vil minna alla á Mæðradaginn á sunnudaginn 13.maí, nú er um að gera að gera eitthvað fallegt fyrir mæðurnar í lífi ykkar 
Blað dagsins má nálgast hér.
Sigga Dögg
-væri alveg til í að fá ábendingar frá lesendum um erótískar bókmenntir-
May 11 2012
Mæðradagsgjöf?
May 09 2012
Mýtan um þröngu píkuna!
Allt að gerast!
Greinilegt að ég taki þessa umræðu ekki úr kynfræðslunni í bráð!
Ég minni á facebook síðuna og ef þú vilt fá svar við kynlífsvanda sendu þá póst á kynlíf@frettabladid.is !
Sigga Dögg
-hefur gaman af svona endurgjöf!-
Apr 28 2012
Tæki og tól!
Þar sem sleipiefni er ótrúlega misjöfn þá langar mig að mæla með einu, Sliquid, sem er parabenlaust, má nota með smokkum og hentar vel viðkæmri húð.
Það þarf að pæla í þessum hlutum því í mörgum sleipiefnum eru sykrur og ef þú ert viðkvæm fyrir sveppasýkingu þá eru þau sleipiefni alls ekki fyrir þig. Mörg þau sem eru með einhverju bragði eru með sykri svo það getur verið ágætt að forðast þau. Sama má segja með lyktarefni, þau geta verið ertandi. Þá finnst mér persónulega betra að sleipiefnið innihaldi ekki estrógenherminn, paraben.
Annað sleipiefni sem er laust við sykur og paraben er frá klassaframleiðendunum Lelo en þetta sleipiefni sýnist mér vera á góðu verði en annars hef ég ekki prufað það svo ég tek vel á móti endurgjöf frá þeim sem hafa prufað það!
Og bara eitt, ef þú ert að reyna geta barn þá er ráðlagt að nota ekki sleipiefni þar sem þau torvelda sund sáðfrumanna í leggöngunum.
Góða helgi!
Blað dagsins má nálgast hér.
Sigga Dögg
-mælir með hinu og þessu og allskonar.-
Apr 27 2012
Kynlífstæki & tól
Ég var að rekast á rúnkarann, Tenga eggið.
Meira hér.
Ætli það fáist á Íslandi?
Gæti verið gott leikfang fyrir pör…
Þá finnst mér þetta svolítið smart typpahringur frá Lelo…
En hættu nú alveg, Masque býður upp á bragðefni fyrir munnmök. Í boði er súkkulaði, vatnsmelónu, jarðaberja og mangó og bragðið endist víst í 15 mín og svo í lokin upplifir viðkomandi „kælandi“ áhrif. Mér skilst nú að þetta eigi að vera til að fela bragðið af sæði (þeir segja fyrir fellatio en ekki cunnalingus svo að…) Sæði með jarðaberjabragði? Oj barasta! Ég veit ekki um marga sem bræða saltaðsmjör og dýfa jarðaberjum og ostrum í það og ég get ekki séð afhverju þetta ætti að vera eitthvað stórkostlegt…
Sigga Dögg
-er alltaf að uppgvöta eitthvað nýtt!-
Apr 26 2012
Stelpublöð
Mér finnst ofsalega gaman að blaða í gegnum tímarit, gleyma mér í klukkustund eða svo og sötra á góðum bolla. Því ákvað ég að taka saman nokkur tímarit sem ég hef gaman af því að blaða í gegnum. (Reyndar er ekkert sérlega stelpulegt við þau en ég held samt að það sé markhópur þessa blaða og það þarf ekkert að skammast sín fyrir það þó stelpublað hljómi eitthvað svo…æ þú veist…)
Þegar ég fer í bókakaffi þá hef ég sérstaklega gaman af því að blaða í gegnum Elle.
Oftar en ekki eru flottar greinar um sambönd og kynlíf eins og þessi hér um tíðni kynlífs innan sambands og greinin um skilnaðartíðni í Bandaríkjunum.
Svo má alls ekki missa af ráðleggingunum hennar Ask E. Jean. en konan er snillingur!
Svo hraðles ég líka oft Marie Claire, amerísku og ensku útgáfuna, en þar má oft finna ágætlega áhugaverðar greinar og fínt að sjá hvað er þeð „nýjasta“ í kynlífs- og kynfæratísku.
Mér finnst Þóra Tómasdóttir vera gera góða hluti hjá Nýju Lífi svo því kippi ég líka iðulega með mér.
Við og við kíki ég líka á Psychology Today en þar má finna pop-sálfræði í skemmtilegum greinum. Stundum sakna ég sálfræðarinnar (kynfræðin er svo þverfagleg) og þá er þetta blað kærkomið (þó gömlu kennarnir mínur séu vafalaust lítið hrifnir af blaðinu…).
Ef þú ert með ábendingu um gott tímarit þá er sú ábending vel þegin!
Sigga Dögg
-finnst bókakaffi vera eins og jóga fyrir heilann-
Apr 25 2012
Kynlífstækni…fyrir pör!
Ég er umkringd kynlífssveltum pörum.
(lesist = ég er umkringd nýbökuðum foreldrum)
Ef maður gúgglar kynlífssvelti innan sambands þá koma yfir milljón leitarniðurstöður upp.
Milljón!!
Og þetta er ekki bara mál annars aðila innan samband því það þarf tvo til (að lágmarki…).
Allir eru sumsé að glíma við þetta og pæla í þessu og jafnvel tala um það en enginn gerir neitt í því!
(Og þá kem ég í nærbuxum utan yfir sokkabuxurnar og bjarga deginum! Kannski ekki alveg en…)
Ég hef verið að skoða að halda fyrirlestur um kynlífstækni innan sambands og markmiðið væri að svara m.a. eftirfarandi spurningum:
- Hvert er kynlífsmeðaltalið innan sambands?
- Breytist kynlöngun í langtímasambandi?
- Dregur barnið úr kynverunni?
- Hvað gerist ef barnið sér okkur stunda kynlíf?
- Eyðileggja barneignir kynlíf?
- Er hægt að fá fullnægingu í tímapressu?
- Hvaða kynlífstól er gott að eiga?
- Hvernig getum við sexað upp hversdaginn?
- Er tiltekt og þrif ásættanlegur forleikur?
En klárlega þyrfti ég að tryggja að einhverjir kæmu á þetta ágæta erindi mitt (það væri eitthvað svo vandræðalegt að standa ein með fínu powerpoint sýninguna mína og úrval kynlífstækja í auðum sal…).
Ég er mögulega komin með sal en ekki fólk… Hvernig ætli maður beri sig að við að fá fólk til að eyða kvöldstund á fróðlegu, en skemmtilegu!, erindi sem þessu?
Sigga Dögg
-vil fóðra þá svöngu-
Apr 24 2012
KynfæraTJEKK!
Mér heyrist (og sýnist á tölum Landlæknis) að fólk sé alltof latt við að fara í tjekk.
Með tjekki þá meina ég fara til læknis á Húð & Kyn eða þíns eigin kvensjúkdóma/þvagfæralæknis og láta skoða á þér kynfærin. Ekkert hættulegt EN mjög mikilvægt. Ef ÞÚ ert byrjaður/byrjuð að stunda kynlíf þá áttu að fara amk 1 sinni á ári í tjekk. Þá er það einnig ágætis regla að fara í tjekk á milli bólfélaga.
Hérna eru nokkrir fróðleiksmolar frá Landlækni:
Vissir þú?
- Sumir kynsjúkdómar fylgja þeim sem smitast alla ævi. Þetta á við kynsjúkdóma sem
orsakast af veirum eins og HIV, kynfæravörtur og kynfæraáblástur. - Aðra kynsjúkdóma getur maður fengið aftur og aftur. Það myndast ekki ónæmi gegn
þeim þótt maður hafi áður fengið meðferð við þeim. - Að vera með einn kynsjúkdóm getur auðveldað smit á öðrum kynsjúkdómum. Það er því
hægt að hafa fleiri en einn kynsjúkdóm samtímis. - Sumir kynsjúkdómar geta smitað fóstur á meðgöngu eða barn í fæðingu.
- Álíka margir karlar og konur fá kynsjúkdóma.
- Fleiri fróðleiksmolar hér.
Landlæknir er einnig með bæklinga og ítarlegri upplýsingar um hina ýmsu kynsjúkdóma.
Ágætt getur verið að hafa þetta til hliðsjónar…(og taktu eftir því að allir geta oft verið einkennalausir!!)
Svo skottastu í tjekk!
Göngudeild kynsjúkdóma er opin frá kl. 8:00 til 16:00 alla virka daga.
Tímapöntun er á þjónustutíma í síma 543 6050. Læknar og hjúkrunarfræðingar sjá um móttöku.
Leiðarlýsing: Aðkoma er austan við Landspítala Fossvogi í lágbyggðu húsi í suðausturhorni lóðarinnar. Þegar komið er inn á lóð spítalans þar er ekið framhjá bráðamóttökunni, niður bílaplanið og beygt til hægri hjá Strandmöllen súrefniskútnum. Þar er inngangurinn, fyrsta hurðin á suðurhlið hússins (ekki hurðin á gaflinum).
Þetta er í alvörunni ekki stórmál að fara í tjekk svo drífðu þig bara!
Sigga Dögg
- á í góðu samband við sinn kvensjúkdómalækni og heimsækir hann reglulega-
Apr 21 2012
Ef ég nenni…
Pistilinn í Fréttablaði dagsins.
Kynfræðingurinn Bettina Arndt í Ástralíu bað pörin sem voru í kynlífsmeðferð hjá sér að halda dagbók um kynlífið sitt og þetta var eitt af því sem kom útúr þeim skrifum; pör þurftu að nenna að gefa sér tíma til að stunda kynlíf. (Annars eru dagbækurnar virkilega áhugaverð pæling og hægt að fá á lesbrettið sitt ef þú vilt lesa meira!)
En, pældu aðeins í þessu, snýst kynlíf ekki stundum svolítið að nenna?
Er ekki eitthvað smá sannleikskorn í þessu?
Sigga Dögg
-fagnar fækkandi klæðum með hækkandi sól!-
Apr 17 2012
Ólétt…og það strax!
Sem kynfræðingur er ég oft spurð að allskyns hlutum sem tengjast kynlífi og óhjákvæmlega er ég oft spurð útí hin og þessu frjósemisráð.
Það fer ekki alltaf saman að langa í barn og vera óþolinmóð því það er áætlað að líkur á getnaði í hverjum tíðahring sé tæpur þriðjungur.
Leggöngin ásamt leginu gera allt sem í þeirra valdi stendur til að drepa aðskotahlutina sem sæði jú er, sjá mjög skemmtilega myndræna útlistun á því hér.
Um daginn las ég að sleipiefni geta verkað sem milt sæðisdrepandi krem og því er ekki mælt með notkun þess heldur frekar að henda í smá eggjahræru (í alvörunni!) en bara hvítunni (getur geymt rauðuna fyrir t.d. ís) og smyrja leggöngin því það líkir víst eftir umhverfi legganganna og auðveldar sæðinu sundið. Sjálf hef ég ekki prufað það en…það þýðir samt ekki að það virki ekki (né reyndar að það geri það!).
Allavega.
Ég rakst á þessa bók hérna og hún fær alveg ágætis dóma og við fyrstu sýn sýnist mér að það megi hafa ágætlega gaman af henni.
Mér persónulega vantaði sárlega hreinskilna og beinskeitta lesningu á þessu ferli öllu saman og þessi hefði vel geta átt heima í mínu bókasafni (ég reyndar fór að taka saman hina og þessa punkta, sjáum hvort eitthvað verði úr því í hjáverkum….)
Vonandi nýtist þetta einhverjum!
Sigga Dögg
-hefur stórkostlegan áhuga á hreinskilnum samskiptum sem eru alls ekki sykurhúðuð en mega þó alveg vera sæt-
Apr 12 2012
Kynlíf sem foreldri…?
Er ég ein um að upplifa barneignir svona?
Ekki ein einasta óléttu eða uppeldisbók eða blogg sem ég las talaði um þetta…og ég gæti haldið endalaust áfram! (Ef áhugi er fyrir því það er að segja…)
Blað dagsins má svo nálgast hér.
Sigga Dögg
-finnst að þessa umræðu mætti opna alveg upp á gátt!-
Next Page »
Loading ...
