Spurningar vikunnar, aldursmunur innan sambands og hvernig skal koma sér upp kynferðislegu heilbrigði!
Sigga Dögg
-svarar með glöðu geði-
Jan 19 2012
Áhugaverð lesning
Ég datt niður á blogg (reyndar 4 blogg) sem var verkefni blaðamannsins Súsönnuh til eins árs.
Hún auglýsti eftir bréfum frá 4 hópum af fólki; 1) karlmönnum sem horfa á klám,
2) karlmönnum sem kaupa sér vændi
og
4) Karlmönnum sem sækja strípistaði
Ég las nokkrar frásagnirnar og þetta var virkilega áhugavert og margir ágætis punktar.
Þetta er að sjálfsögðu ekki bein rannsókn og ekkert er vitað um trúverðugleika frásagnanna (en það er reyndar möguleg hætta í eigindlegum rannsóknum) en mér fannst þetta áhugaverð lesning.
Vissulega eitthvað sem hægt er að detta niður í á miðjum vinnudegi þegar heilinn þarf smá frí og síðan ætti ekki að koma þér í klandur í opnu rými því það eru engar myndir á síðunni.
Sigga Dögg
-myndi vilja sjá svona verkefni hér á Íslandi-
Jan 18 2012
Siggadogg.is á Facebook!
Minni á facebook síðuna !
Þar eru hlekkir á myndbönd og ýmsar kynfræðitengdar fréttir og annað skemmtilegt!
Sigga Dögg
- mælir með síðunni 
-
Jan 17 2012
Örráðstefna um kynlíf & krabbamein
Jan 15 2012
Píkulist
Damien Hirst er breskur listamaður sem hefur farið ögn ótroðnar slóðir í sköpun sinni og fólk er ekki alltaf á einu máli hvort um list sé að ræða eða ekki…
Dæmi svo hver fyrir sig!
Í nýlegum listagjörningi þá húðflúðraði hann 23 ára gamla stelpu.
Þetta var forsíða tímarits og var límmiði settur yfir húðflúðrið og á honum stendur peel slowly and see
Stúlkan sem ber þetta listaverk afhjúpaði það víst og skartaði fiðrildið þá litlum hvítum „hala“. Sniðugt.
Þetta er sérstök pæling að vera með húðflúr eftir frægan listamann og það á píkunni… Ekkert endilega neitt verra (t.d. rosalega „pikköp“ lína!) en spurning sem maður gæti spurt sig að; hversu langt er maður tilbúinn að fara fyrir listana og það list einhvers annars…?
Vissulega er þetta ekki eina píkuflúrið en þetta finnst mér áhugavert í ljósi þess að viðkomandi er að gera þetta fyrir listmanninn en ekki sig sjálfa og listamaðurinn ræður för…Hmmm….
Sigga Dögg
- pælir í húðflúrum…og samtímalist eða nútímalist? hvort heldur..fer örugglega saman…-
Jan 13 2012
Á rúmstokknum!
Sigga Dögg
-væri til í að vera með kynfræðslu fyrir eldri borgara…veistu um einhvern sem hefur áhuga?-
Jan 06 2012
Á rúmstokknum!
Dec 31 2011
Pikk-öp & hössl
Ég hef verið að kynna mér „hössl“ pælingar og þá sérstaklega hvernig leiðbeiningar karlmenn fá um hvernig eigi að „hössla“ konur.
(Vefsíðurnar, bækurnar og myndböndin eru endalaus!)
Það er ýmislegt sem ég hef grafið upp, misáhugavert og sniðugt, en ég verð að játa að ég er alltaf með pínu kjánahroll. Af hverju þarf að kenna karlmönnum sérstaklega hvernig eigi að nálgast konur? Er það ekki frekar almenn félagshæfni? Er til ein tækni sem virkar á allar konur, erum við það einsleitur hópur? Svo er það annað, hvert er markmiðið með „hösslinu“? Á bara að fá sér að ríða eða er verið að reyna kynnast annarri manneskju með samband í huga? Og, af hverju er þetta bara strákar við stelpur? Er auðveldara fyrir strák að hössla strák því þeir „hugsa eins“ því eru af sama kyni?? Geta stelpur notað þessa „tækni“? Er hægt að nota þessa tækni til að byggja vinskap við einhvern eða eingöngu kynferðislegt samband?
Virkar þetta fyrir alla?
Eitt ráð sem ítrekað kemur upp er kennt við “the neg” þar sem kona er móðguð og þaðan hefjast samræðurnar ?! Karlmaðurinn á að reyna finna höggstað á konunni (sá sem kennir tæknina segir þetta bara vera saklausa stríðni, svona eins og myndir gera við litlu systur þína), sumsé lækka í henni rostann, og byggja hana svo upp með hrósum… Og þetta víst virkar?! Hmmm…
Ég sumsé datt niður á þetta myndbrot af þætti sem VH1 var með og þá fóru endalausar pælingar af stað.
Þá kemur upp tvískinningur því á táningsaldri las ég ítrekað stelpublöð sem lýstu því í þaula hvernig maður ætti að „hössla“ draumadrenginn og hvað strákar vilja og vilja ekki. Ég sá ekkert athugavert við það og fannst sniðugt að lesa um svona leyniráð til að fanga hjarta grunlaus drengs sem ég hafði ákveðið að skyldi verða minn.
Nú hinsvegar finnst mér þetta alveg útí hött enda hringsóla fyrrnefndar spurningar um í höfðinu á mér.
Kannski þarf ég bara að skrifa nýja bók um „hössl“.
Það er amk nokkuð ljóst að þær bækur sem hafa verið skrifaðar á móðurmálinu hjálpa fáum og þeir sem telja sig græða á þeim ráðum sem þar finnast…eru þeir ekki kallaðir rasshausar?
Allavega.
Áhugaverður punktur í þessu öllu saman er það sem sálfræðin mín segir.
Það mikilvægasta í útliti er ekki sjálf fegurðin (!) heldur hversu snyrtilegur viðkomandi er og þá er átt við hreinlegur og smart í klæðaburði. Þá er einnig mikilvægt að standa rétt (ekki með kryppu og hangandi haus) og vera jákvæður og vinalegur.
Segir sig kannski sjálft en ágætt að hafa bakvið eyrað er maður tekur sig til fyrir skemmtunina í kvöld…
Fylgstu með síðunni hér og á Facebook á nýju ári – það er aldrei að vita nema það gagnist þér eitthvað 
Gleðilegt nýtt ár!
Sigga Dögg
-þakkar samfylgdina á árinu sem er að líða-
Dec 28 2011
Mýtan um hreinar meyjar
The Purity Myth er bók sem er skrifuð af feminístanum Jessicu Valenti og fjallar um mýtuna að konur séu skilgreindar útfrá kynhegðun sinni (þá hvort þær stundi kynlíf).
Þetta hljómar kannski kynlega en þetta er mjög stór hreyfing í Bandaríkjunum og það sést best á endalausri umræðu um dygðina að vera „hrein“. Konur mega ekki stunda kynlíf fyrir hjónaband annars eru þær skítugar. Fáránlegt og ótrúlega skrýtið að fólk trúi þessu í stórum stíl því gvuð má vita að blessuð börnin fara ekki eftir þessu og þegar þær gera það þá endar það oft illa…
Þó þetta sé ekki kennt hér á landi þá er þessi mýta engu að síður til staðar.
Ég hef haldið ófáa fyrirlestra fyrir unglinga þar sem stelpur hafa áhyggjur af því að strákar finni fyrir leggangaslaka því þær eru ekki hreinar meyjar og næstum hver einasti unglingsstrákur iðar í skinninu að vita hvernig kynlíf kynfræðingur stundar og með hversu mörgum.
Ég tek þessa hluti alltaf fyrir í hverjum fyrirlestri og legg áherslu á þessa kynjuðu umræðu sem gagnast engum og eru tæjur frá púrítönskum hugsunum sem eiga ekki heima í nútímasamfélagi.
Þessi umræða þarf að eiga sér stað því mýtur og staðalímyndir halda þessum hugmyndum á lofti; góð kona er hrein kona?!
Og hvað með karlinn?
Ég æli aðeins upp í mig.
Hér má lesa hluta úr bókinni.
Úr bókinni var svo gerð mynd og sjá má myndbrot hér að neðan (virkilega áhugavert!)
The Purity Myth Trailer from Media Education Foundation on Vimeo.
Sigga Dögg
-er glöð í hjartanu að kynfræðslan hér á landi sé ekki eins og í mörgum fylkjum í Bandaríkjunum…-
Next Page »
Loading ...
