Kynfæraljósmyndun

Ég auglýsi eftir einstaklingum eldri en 18 ára til að taka þátt í ljósmyndun af kynfærum.

Myndirnar verða teknar 15,júlí næstkomandi.

Verkefnið er  hluti af kynfræðslunni minni. Ég hef mætt ótalmörgum mýtum og fordómum gagnvart kynfærum, sérstaklega píkunni, og mér þykir því mikilvægt og tímabært að fjalla opinskátt og hreinskilnislega um kynfærin. Ég hef hingað til sýnt ljósmyndir af kynfærum erlendra einstaklinga í fræðslunni en finnst mikilvægt að taka myndir af íslendingum til að sýna fjölbreytileika kynfæranna og að færa þetta nær okkur.

Á staðnum verða ég og ljósmyndari og verður þetta gert í stúdíói. Staðsetning og tímasetning verður gefin upp þegar nær dregur en ég vil gjarnan geta orðið við ósk hvers og eins og tímasetningu svo það væri gott að fá að vita hana.

Af píkunni verður tekin mynd beint framan á og svo liggjandi útaf. Viðkomandi þarf ekki að afklæðast heldur er nóg að girða niður um sig. Sama gildir um typpi. Tekin verður mynd framan á typpi og á hlið. Hárvöxtur er eins og hverjum hentar.

Í myndatökunni (sem verður í stúdíói) verður boðið upp á kaffi og smá nasl en þátttakendur munu ekki hitta aðra þátttakendur heldur einungis mig og ljósmyndarann.

Þetta er allt nafnlaust en ef þátttakandi vill láta einhverjar upplýsingar fylgja með sinni mynd þá er það vissulega hægt.

Til að byrja með verða myndirnar aðgengilegar hér á síðunni og sýndar í (minni) kynfræðslu um allt land og er það von mín að seinna meir verði hægt að gera einhvers konar ljósmyndasýningu og fræðslusýningu úr verkefninu. Ljósmyndirnar verða því í „almannaeigu“ þ.e. hver sem er getur nálgast þær og er það mín reynsla að fjöldinn allur af fólki langar að geta notað slíkar myndir í fræðslu.

Allir sem eru eldri en 18 ára eru hvattir til að taka þátt, óháð kyni eða kynvitund. Því fleiri því betra 🙂

Það verður ekki greitt fyrir þátttökuna.

Er eitthvað fleira sem þú myndir vilja vita?

Ef þú hefur einhverjar spurningar, ekki hika við að hafa samband!

Sigga Dögg kynfræðingur