Viltu læra smá talnaspeki?

Haustið er heldur betur gengið í garð og mín uppáhaldshátíð, Hrekkjarvakan, er á næsta leyti.

Mig langaði að kenna þér að reikna út lífstöluna þína en það er mjög einfalt!

Þú leggur saman fæðingardag, mánuð og ár þar til færð út tölu sem er 1-9.

Dæmi: 10+12+1982 = 2004 = 2+4 = 6

Lífstalan segir hvaða orku þú komst með inn í þetta líf og hvaða lærdómur og gjafir bíða þín.

En hér er hefðbundin talnaspekitúlkun á tölunum 1-9.

🔢 Lífstala 1 – Leiðtog / Skapari

Orka: Sjálfstæði – frumkvæði – hugrekki. Þau sem hafa lífstölu 1 eru fædd til að leiða, skapa og fara eigin leiðir. Þau læra að treysta innsæi sínu og standa með eigin sannleika. Áskorunin er að sleppa þörfinni fyrir að sanna sig og læra að biðja um hjálp þegar þess þarf.

🌸 Lífstala 2 – Friður og jafnvægi

Orka: Samvinna – næmni – jafnvægi. Tveir bera orku samkenndar og samhljóms. Þeir eru sálir sem læra að elska án þess að gleymast sjálfir. Þeir eru náttúrulegir tengibrýr og friðflytjendur en þurfa að passa að taka ekki inn á sig orku annarra.

🔥 Lífstala 3 – Skapandi tjáning / Gleðisál

Orka: Sköpun – samskipti – gleði. Þristar eru ljós og leikgleði. Þeir færa öðrum bros, orð og innblástur. Verkefnið þeirra er að leyfa sér að tjá sig frjálslega, án ótta við dóm. Þegar þeir treysta eigin rödd verður lífið að listaverki.

🌳 Lífstala 4 – Grunnurinn / Undirstaðan

Orka: Öryggi – skipulag – traust. Fjarkar eru traustir, jarðbundnir og ábyrgir. Þeir byggja upp stöðugleika, fjölskyldur, fyrirtæki og samfélög. Þeir þurfa að muna að öryggi kemur innan frá – ekki bara úr formi og reglu utan frá.

🌊 Lífstala 5 – Frelsið, flæði & breytingar

Orka: Ævintýri – tjáning – reynsla. Fimmur eru fæddar til að kanna, læra og brjóta múra. Þær lifa lífinu með forvitni og vilja frelsi í vali. Lærdómurinn er að frelsi kemur ekki úr flótta, heldur úr meðvitund um eigin sannleika.

💖 Lífstala 6 – Hjartað & kærleikurinn (ég!)

Orka: Ábyrgð – ást – þjónusta. Sexur eru hjartans fólk. Þau bera ást til fólksins síns og vilja skapa heimili, samfélag og fegurð. Þau þurfa þó að muna að elska sjálfa sig jafn mikið og aðra. Þegar þau gera það, umbreytist umhyggja þeirra í kraftaverk.

🕯️ Lífstala 7 – Leitandi vitringurinn

Orka: Innri viska – dýpt – einvera. Sjöur eru hugsandi, andlegar og djúpar. Þær leita að sannleika og merkingu í öllu. Þær þurfa stundum einveru til að hlusta, en þurfa að passa að lokast ekki af. Þær færa heiminum innsýn og visku.

🌞 Lífstala 8 – Krafturinn / Skapari efnis og anda

Orka: Vald – árangur – jafnvægi milli anda og efnis. Áttur hafa sterkan vilja og náttúrulegan leiðtogakraft. Þær eru hér til að læra að nota vald sitt í þjónustu við hjartað, ekki egóið. Þegar þær finna jafnvægið verða þær magnað afl fyrir jákvæðar breytingar.

🌕 Lífstala 9 – Viska og samkennd

Orka: Samkennd – lok og upphaf – viska. Níu er hin gamla sál. Hún hefur upplifað margt og er hér til að deila kærleika og skilningi. Hún lokar hringum, fyrirgefur og losar það sem er búið. Nýtt upphaf sprettur úr visku hennar.

Það er einnig hægt að fara eftir tarot stokknum í túlkun og þá notarðu upp í 22, eða Major Arcana spilin.

Eitt aukalega sem mér finnst mjög skemmtilegt!

Það getur verið gagnlegt að reikna út orku dagsins (20+10+2025) eða jafnvel hvaða orku þú ert í í dag (fæðingardagurinn þinn + fæðingarmánuður + árið í ár) og þá getur verið gagnlegt ef þú ert með tarot stokk við höndina að skoða hvaða spil þú dregur og svo hvaða orku þú ert að vinna í þann daginn.

Einhvern veginn finnst mér eins og þegar ég veit orku dagsins og orkuna mína þá skil ég af hverju ég er eins og ég er þann daginn.

Eins og í dag.

20+10+2025 = 3+9 = 12

10+12+2025 = 3+9 = 12

Ég er í hangandi manninum sem er óþolinmæði og biðstaða. Svo er rigning úti svo mér finnst bara viðeigandi að taka því rólega í dag og vinna tölvuvinnu sem hefur beðið eftir mér í þó nokkra daga. Ekki dagur til að byrja á nýju verkefni t.d.

Þetta er allt til gamans gert en mér finnst þetta gagnlegt og skemmtilegt :)